Grahamstown

 Ons kuier heerlik in Grahamstad.  Gister het ons die dorp gaan verken.  Dit is ‘n studente dorp (Rhodes universiteit).   Ons het ‘n paar museums en pragtige kerk besoek.  Die weer was lekker tot die aand toe dit begin reen...  Toe kyk ons maar ‘n movie in die tent (dankie Lansie!)

Vanoggend is ons so 9h30 uit Jeffreysbaai.  Ons het deur PE gery en by Boesmansriviermond gestop om daar te oornag.  Ongelukkig is hulle campsites toe tot September.  Daarna is ons na Port Alfred vir ‘n campsite.  Daar was twee karavaanparke – die een te duur en die ander effense vuil badkamers (bietjie grillerig).  Ons besluit toe om deur te ry na Grahamstown, want dit was maar 14h00.  Oppad het ons gestop by Bathurst, waar hulle pynappels groei.  Vir die eerste keer gesien hoe lyk ‘n pynappelplant!  

Die munisipale karavaanpark by Grahamstown is lekker.  Elke staanplek het sy eie geboutjie met stort, toilet en wasbak so ons kan bietjie afpak.  Dit voel soos ‘n hotel!  Ons wil more bietjie in die dorp gaan loop – mooi ou geboue – veral kerke en museums.  Dan dink ons daaraan om nog ‘n nag of twee hier te bly.  Miskien maak ons ‘n dagbesoek aan Hogsback van hier af en hoef dan nie op te pak en slaapplek daar te soek nie.  Die temperature daar daal tot 1 grade Celsius in die nag...  Sal julle op hoogte hou.