Lake Victoria, 5 – 10 Desember
Na die besige dae in die Serengeti vertrek ons na Lake
Victoria, die tweede grootste varswater meer in die wereld. Ons ry deur groen landskap tot by Mwanza,
‘n stad teen die meer. Die stad is pragtig met heuwels en groot rotse
oraloor.
Ons bly vir twee aande in die Mwanza Yacht Club wat kampplek
op die meer het. Dis die begin van die
reenseisoen in Mwanza en ons twee Kapenaars moet vinnig gewoond raak aan die
donderstorms en stortreen!
Die Yacht Club het ‘n funksie oor die naweek en ons kan
nie daar bly nie. Ons is nog nie lus vir
verder ry nie, en lees van ander blyplek so 9km uit Mwanza, ook teen die
meer.
Tunza Lodge is ‘n pragtige plek met ‘n lieflike tuin, strand
en mooi chalets. Ons kry ‘n kampplek op
die gras voor die strand. Suid-Afrikaners
besit en bestuur die lodge – ‘n broer en suster (Jan en Hanlie). Ons kry nie tyd om aan die blog te werk nie,
want ons kuier te lekker in Afrikaans!
Jan en Hanlie help ons baie met goeie raad oor waar om te koop en ook
met die roete verder.
Jan se seun, Henko, neem ons uit op hul boot om nile perch te
vang. Ons kry niks, nie eens byte nie,
maar geniet die trippie. Deur Jan en
Hanlie ontmoet ons oor die naweek ook ander Suid-Afrikaners wat in die omgewing
woon en werk.
Mwanza Yacht Club
Woongebied in Mwanza
Visserman op Lake Victoria
Sonsondergang - Mwanza Yacht Club
Tunza Lodge |
No comments:
Post a Comment