Ons is maklik deur die Giriyondo grenspos en het vandaar
gery tot Bilene, ‘n dorpie op ‘n lagoon in die suide, so 200km bo Maputo. Die
pad was meestal mooi, maar op ‘n stadium was daar groot potholes en het ons
oral oor die pad gery om dit te mis.
Ons het reeds twee aande hier geslaap. Die lagoon is
net agter die duin waar ons kamp. Die geriewe is goed. Ons het warm
water vir stort en hier is ‘n markie naby die karavaanpark waar ons heerlike
vars brood koop elke dag. Ons kon ook selfoonkaarte vir Mosambiek
koop. Vandag het ons ‘n Vodacom kaart gekoop en dinge lyk
beter – ook vir die internet.
Die grootste verandering van SA is dat die land se taal
Portugees is. Daar is nie Engels nie! Alles is in Portugees
geskryf. By die vakansieplekke is daar darem mense wat Engels
praat. Sover kom ons goed reg. Die weer is bedompig – meestal
bewolk en warm met ‘n paar druppels reen so af en toe.
Jors het gister die bakkie se diff-olie gecheck nadat dit in
Heidelberg volgemaak. Dit het weer ‘n hele bottel olie geneem en ons het
besluit om more Maputo toe te gaan. Gelukkig bly Llewellyn (wat ons
getrou het) daar en ons het reeds met hom in kontak gehom. Hy het vir ons
iemand gereel om more na die bakkie te kyk. Liewer dit nou uitsort terwyl
ons nog in die beskawing is!
Llewellyn het ook aangebied dat ons die tent in hul agterplaas kan opslaan sou
dit nodig wees om ‘n paar dae oor te bly.
Ons het Maandag van die rustige Bilene gery na Maputo, so
180km suid. Dit het drie ure geneem. Die spoedbeperking is by baie
plekke 60km en daar is baie polisie stoppe, so ons hou maar by die spoedgrens.
Maputo was ‘n culture shock – ons het nog nooit so baie minibus taxi’s gesien
nie – of so baie mense wat wag vir die taxi’s nie.
Ons het die aand by Llewellyn en Lize oorgebly in hul gaste
flat in Matola, ‘n voorstad van Maputo. Die bakkie is dieselfde dag
uitgesorteer. Die diff lek nerens olie nie, maar die mechanic het vir ons
twee nuwe universal joints ingesit. Hy se met die paaie in Mosambiek gaan
ons dit nodig kry. Dis was erg bedompig in Matola en die muskiete was
lastig in die aand. Ons het Tabbard gespuit en langbroeke, langmouhemde
en sokkies gedra (en onthou om ons malaria pille te neem).
Ons moes Maandag redelik lank wag vir die bakkie en het
daarna sommer pizzas bestel. Hoe lekker om kaas te eet! Kaas en
melk is nie oral beskikbaar in Mosambiek nie. Ons gebruik maar
poeiermelk. Verder moet ons nog gewoond raak aan die Portugees. Dis
‘n mooi taal – klink amper soos Frans, maar kan nie uitmaak wat gepraat word
nie. Ons kan darem groet en asb en dankie se.
Dinsdagoggend is ons na Xai-Xai (uitgespreek Shy-Shy), noord
van Bilene. Ons besluit om nie daar oor te slaap nie, want die
kampeerplek is redelik verlate. Ons ry na Nascer do Sol, 50 km
verder. Dis ‘n vakansieoord wat deur Afrikaners bestuur word (naam gekry
by Arie, dominee in Heidelberg). Ons bly daar vir twee aande. Die
eerste aand was daar ‘n donderstorm en daarna het die wind nie ophou waai nie,
maar ons het steeds lekker gebly. Met die sterk wind kon ons nie
langs die strand gaan stap nie – die wind waai die sand tot teen ons arms.
Vanoggend het ons deurgery na Inhambane en kampeer by Areia
Branca op die Barra skiereiland. Oppad hierheen het ons meer palmbome
begin sien, en hierdie kampplek lyk soos ‘n eiland. Hier is tot ‘n
palmboom wat ons vanmiddag probeer klim het. Die wind waai nogsteeds erg en
hier het al sewe coconuts van die bome afgeval. Die man wat die
donkie vir ons storte vanmiddag kom maak het, het die coconuts opgetel en vir
Jors gewys hoe om dit oop te breek. Wat ‘n treat!
Ons plan om more verder te ry na Vilankulo. Ons het
nog nie veel foto’s geneem met die weer wat nie goed is nie, maar sal die blog
update so gou ons kan.
Sover kuier ons heerlik en geniet alles!
Wow, daai strande lyk beautifull, ek sou graag in daai see wil swem.
ReplyDelete